मुम्बई । यश, कियारा आडवाणी र लामो स्टारकास्ट रहेको भारतीय फिल्म ‘टक्सिक’ दमदार टाइटल इन्ट्रो भिडियोपछि लगातार चर्चामा छ । टिजर सार्वजनिक भइसकेको छ र अहिले फ्यान फिल्म रिलिजको उत्सुकतापूर्वक प्रतीक्षा गरिरहेका छन् ।
निर्देशक गीतु मोहनदासले यसअघि नै २० फेब्रुअरीमा टिजर आउने बताइसकेकी थिइन् । त्यसपछि प्रशंसक निकै उत्साहित थिए । टिजर सार्वजनिक भएपछि फिल्मप्रतिको उत्साह झन् बढेको छ । यो फिल्म रणवीर सिंहको ‘धुरन्धर २’ सँग जुध्ने बताइएको छ । अन्ततः टिजर युट्युबमा आइसकेको छ ।
‘टक्सिक’ को कथावस्तु
फिल्मको यूएई वितरक ‘फार्स फिल्म’ ले आफ्नो वेबसाइटमार्फत कथाबारे केही जानकारी सार्वजनिक गरेको छ, जसबाट यसको कथावस्तु स्पष्ट हुन्छ ।
जानकारीअनुसार ‘टक्सिक’ सन् १९४० देखि १९७० को दशकबीचको कथामा आधारित छ, जसको केन्द्रमा गोवा शहर छ । यशले चित्रण गरेको राया नामको पात्रको डर, शक्ति र आफ्नै साम्राज्य बनाउने चाहना कथाको मुख्य आधार हो ।
सिनोप्सिसमा भनिएको छ, ‘हरेक कामको आफ्नै परिणाम हुन्छ । शक्ति दिइँदैन, खोस्नुपर्छ, र त्यसका लागि सधैं मूल्य चुकाउनुपर्छ । तस्करीका बाटाहरू लडाइँका मैदान बन्दै जाँदा बफादारी शंकामा बदलिन्छ, र डर नै बाँच्ने माध्यम बन्छ । अन्ततः उसका निर्णयहरू नै परिणामभन्दा बढी शक्तिशाली साबित हुन्छन् ।’
Toxic Official Hindi Teaser | Rocking Star Yash | Geetu Mohandas | KVN | Monster Mind Creations
