‘चित्रा’ अब अमेजन प्राइमको ग्लोबल प्लेटफर्ममा

निर्देशक लामिछानेले आफूले निर्देशन गरेको फिल्म यसरी विश्वव्यापी रूपमा रिलिज भएको खबरले अत्यन्त उत्साहित बनाएको बताए ।

लामिछाने भन्छन्, ‘चित्रा’ को यो सफलता नेपाली फिल्म उद्योगका लागि उदाहरणीय बन्न सक्ने सम्भावना छ । विश्व बजारमा नेपाली कथालाई पुर्‍याउने र नेपालमा पनि यस्तो स्तरको सिनेमा बन्न सक्छू भन्ने सन्देश दिनुमा फिल्म सफल भएको देखिन्छ । हाम्रो कथा अब संसारका दर्शकले बुझ्ने भाषा र माध्यममा पुगेको छ । यो एउटा सुरुवात मात्र हो ।’

चलचित्रमा सन्तोष अधिकारी, मेनुका प्रधान, शुभेच्छा खड्का र प्रकाश घिमिरे लगायत कलाकारहरूको अभिनय रहेको छ ।

सन्तोष अधिकारी फिल्म्सको ब्यानरमा निर्माण भएको चलचित्रलाई अस्याप इन्टरटेनमेन्ट नेपाल र अस्याप इन्टरटेनमेन्ट अस्ट्रेलियाले सहनिर्माण गरेका हुन् । चित्राका निर्माता आशिष थापा मगर हुन् भने सन्तोष अधिकारी कार्यकारी निर्मातामा रहेका छन् । चलचित्रको एसोसिएट निर्माता राज श्रेष्ठ हुन् ।

अजय अधिकारीको कथा र मनिष गौतमको पटकथा रहेको यो फिल्मले एक रिटायर्ड बाबु र छोरीबीचको सम्बन्ध, भावनात्मक उतारचढाव र पारिवारिक सम्वन्धको कथा समेटिएको छ। महेश पौडेलको छायांकन रहेको फिल्ममा बनिश शाह र सन्देश शाहको संयूक्त सम्पादन रहेको छ ।