47
बिर्तामाेड । एकता पौडेलको निर्देशनमा बनेको पारिवारिक सिनेमा ‘हर्ष’को ट्रेलर मंगलबार राजधानीमा एक कार्यक्रमकाबिच सार्वजनिक गरिएको छ। २ मिनेट ५१ सेकेन्डको ट्रेलरले विवाहपछि परिवारमा आउने उतार–चढावको कथा देखाउँछ।
न्यूयोर्क फिल्म एकेडेमीकी स्नातक पौडेलले यसअघि छोटा सिनेमाहरू पनि निर्देशन गरेकी थिइन्। सिनेमामा खगेन्द्र लामिछाने, वर्षा राउत र साइमन वादी मुख्य भूमिकामा रहेका ‘हर्ष’मा निर शाह, सन्तोष पन्त, माओत्से गुरुङलगायतको पनि अभिनय छ।
आलोक शुक्लाको छायांकन र वसन्त सापकोटाको संगीत रहेको सिनेमा मंसिर १२ गतेदेखि प्रदर्शनमा आउनेछ। सिनेमा अष्टलक्ष्मी प्रोडक्सन्स् र ई–प्राइम मुभिजको ब्यानरमा निर्माण भएको हो।
