6
बिर्तामोड । अनमोल केसीको शीर्ष भूमिका हुने फिल्म ‘जेरी : द लास्ट क्लाइम्ब’को निर्देशकमा सुयोग गुरुङले निरन्तरता पाएका छन् । बुधबार निर्माता सरोज न्यौपाने र निर्देशक गुरुङबीच सम्झौता भएको हो ।
निर्देशक गुरुङले पारिश्रमिकस्वरुप ७२ लाख रुपैयाँ बजार मूल्य पर्ने कार लिएको खुलेको छ । यसबारे निर्माता न्यौपानेले फिल्म निर्देशनको पारिश्रमिकस्वरुप गुरुङले उक्त कार लिएको बताएका छन् ।
अनन्या फिल्म्सले २०८२ सालमा प्रदर्शनमा आएको हिट फिल्म ‘जेरी : अन टप’को दोस्रो शृङ्खला बनाउने घोषणा गरेको थियो । यो फिल्मको पटकथा ब्रजेश खनालले लेखिरहेका छन् ।
