काठमाडाैँ । गत शुक्रबारबाट प्रदर्शनरत फिल्म ‘वर एण्ड वधु’ को नयाँ गीत सार्वजनिक गरिएको छ । ‘माया’ बोलको रोमान्टिक गीत बिहिबार, सार्वजनिक गरिएको हो ।
सार्वजनिक गीतमा दीपक लिम्बु र प्रविशा अधिकारीको स्वरमा समावेश यो गीतमा शैलेन्द्र खनालको शब्द, युग भुषालको संगीत छ । सार्वजनिक गीतमा फिल्मका मुख्य दुई कलाकारहरु नायिका आँचल शर्मा र नव-नायक विवेक कर्माचार्यको रोमान्टिक अवतार देख्न सकिन्छ ।
मिलन चाम्सको निर्देशनमा तयार भएको यो फिल्मको सार्वजनिक गीतको भिडियोमा कविराज गहतराजको कोरियोग्राफी छ । फिल्ममा विजय लामा, गरिमा शर्मा, विजु पार्की, किरण के.सी, कुसुम शर्मा, दिनेश काफ्ले, रविन्द्र खड्का, अंशु महर्जन, सिता न्यौपाने, हिमेश पन्त लगायतका कलाकारहरुको अभिनय छ ।
एलआरके इन्टरटेन्मेन्टको व्यानरमा निर्माण भएको फिल्ममा जानुका थापाको लगानी छ । अमित रिजाल कार्यकारी निर्माता रहेको फिल्ममा सुदिप बरालको छायांकन छ ।
