तुलसी घिमिरेको फिल्म ‘पहाड’ नयाँ वर्ष प्रदर्शन हुने

काठमाडौँ । बरिष्ठ निर्देशन तुलसी घिमिरेको फिल्म ‘पहाड’ नयाँ वर्ष अर्थात २०८३ को वैशाख १ गते प्रदर्शन हुने भएको छ । वितरकसँग छलफल गरेर फिल्मको प्रदर्शन मिति तय गरेको निर्देशक घिमिरेले बताए ।

युवा जनशक्ति विदेश पलायन हुँदा खाली भएका पहाड र यसले ल्याउने सामाजिक र आर्थिक समस्या कथाको रुपमा फिल्मले उठाएको उनले जानकारी दिए ।

‘मानव बसोबासविहीन बनेको उच्च पहाडको कथा समेटिएको छ, फिल्मले हाम्रो दायित्व र देशको आवश्यकतालाई चित्रण गर्छ । फिल्म हेरिरहदा दर्शकले आफ्नोपन र आफ्नो कथा पाउनु हुनेछ’, घिमिरेले भने ‘नयाँदेखि पुराना पुस्तासम्मलाई समेटेर काम गर्न पाउँदा उत्साहित छु ।’

ओजस्वी केसी निर्माता रहेको फिल्मलाई प्रमोद प्रधानले छायाङ्कन गरेका छन् । भारतमा फिल्म, वेबसिरिज र टेलीफिल्मसमेत छायाङ्कन गरिसकेका छायाँकार प्रधानले निर्देशक घिमिरेसँग अन्याय, कोसेली, चिनो र दक्षिणामा सहकार्य गरेका छन् ।