गायक कमल खत्रीको गीत ‘यो आँखामा’ सार्वजनिक

बिर्तामाेड । गायक कमल खत्रीको नयाँ गीत ‘यो आँखामा’ सार्वजनिक भएको छ। शालु श्रेष्ठको शब्द, कमलकै संगीत रहेको गीतमा कमललाई गायनमा गायिका शोभा अधिकारीले साथ दिएकी छिन् । विजेश्वर तन्डुकारको संगीत संयोजन गीतमा छ ।

गीतको आकर्षक म्युजिक भिडियो पनि बनेको छ । जसमा करन सुनार र साहारा बसेलको अभिनय देख्न सकिन्छ । किरण थापाको कोरियोग्राफी र निर्देशन रहेको भिडियोमा दुवैको आकर्षक नृत्य छ ।

भिडियोमा पवन सुस्लिङ्गको छायांकन, सम्पादन र कलर करेक्सन रहेको छ ।