चलचित्र ‘मोहर’को ‘झुम झुम झुम्किका’ गीत सार्वजनिक

गीतको भिडियोमा फिल्मका मुख्य कलाकार पल शाह र बेनिशा हमाललाई फिचरिङ गरिएको छ । गीतको भिडियोमा यी दुई कलाकार छमछमी नाचेका छन् । यसअघि सार्वजनिक फिल्मको शीर्ष गीतमा पल शाह र नीति शाहको जोडीलाई देखाइएको थियो ।

फिल्म मेकर्स प्रा.लिको ब्यानरमा निर्माण भएको फिल्मका निर्माता चुम्बन जंग शाही हुन् । फिल्ममा अर्जुन जंग शाही, रवीन्द्र झा, लक्ष्मी गिरीको पनि मुख्य भूमिका छ ।

फिल्ममा कुमार महर्जनको एक्सन, दिपेन बस्न्यातको छायाङ्कन, सुरेश अधिकारी, एसडी योगी र थानेश्वर गौतमको संगीत छ । देउकी प्रथाको कथामा तयार भएको यो फिल्मको सार्वजनिक गीतमा कविराज गहतराजको कोरियोग्राफी छ ।