काठमाडौं । व्यावसायिक निर्माता रोहित अधिकारीले आफ्नो ब्यानर रोहित अधिकारी फिल्म्सबाट नयाँ फिल्म निर्माण गर्ने भएका छन्। फिल्मका लागि अभिनेता पल शाह र अभिनेत्री जसिता गुरुङको जोडी तय भएको छ।
निर्माता अधिकारीले पल शाहलाई लिएर निर्माण गर्न लागेको फिल्ममा अभिनेत्रीका रूपमा जसिता गुरुङसँग सोमबार सम्झौता गरेका हुन्। यस्तै, फिल्म निर्देशनका लागि निर्देशक दिपेन्द्र लामासँग पनि सोमबार नै सम्झौता गरिएको रोहित अधिकारी फिल्म्सले जनाएको छ।
यसअघि नै अभिनेता पल शाहसँग मौखिक सहमति भइसकेको निर्माता रोहित अधिकारीले बताएका छन्। अब पल शाह र जसिता गुरुङ पहिलोपटक जोडीका रूपमा पर्दामा देखिने भएका छन्।
फिल्मको शीर्षक भने तय भइसकेको छैन। हाल फिल्मको कास्ट एन्ड क्रिउ फाइनल गर्ने काम भइरहेको निर्माण पक्षले जनाएको छ। अन्य कलाकारलाई पनि छिट्टै अनुबन्ध गरेर फिल्म छायांकनमा लैजाने तयारी भइरहेको छ।
फिल्मको निर्देशन दिपेन्द्र लामाले गर्नेछन् भने निर्माण रोहित अधिकारीले गर्नेछन्। फिल्मका अन्य प्राविधिक तथा कलाकारको टुंगो लागेपछि निर्माण पक्षले थप विवरण सार्वजनिक गर्ने तयारी गरेको छ।
यसैबीच, रोहित अधिकारी फिल्म्सले अभिनेता अनमोल केसीसँग ‘फर्की फर्की’पछि त्यसैको सिक्वेलका रूपमा अर्को फिल्म निर्माण गर्ने जानकारी यसअघि नै सार्वजनिक गरिसकेको छ। उक्त फिल्मका लागि अनमोल केसीसँग सम्झौतासमेत भइसकेको निर्माण पक्षले जनाएको छ।
यसरी रोहित अधिकारी फिल्म्सले एकैपटक फरक–फरक प्रोजेक्टलाई अगाडि बढाइरहेको छ। पल शाह–जसिता गुरुङको जोडी रहने नयाँ फिल्मको शीर्षक, अन्य कलाकार तथा छायांकनसम्बन्धी थप विवरण भने निर्माण पक्षले क्रमशः सार्वजनिक गर्ने तयारी गरेको छ।
