‘झिंगे दाउ २’को ‘आमा भए पो स्वर्ग हुन्छ घर’ गीत सार्वजनिक

बिर्तामाेड । असोज २ गतेबाट प्रदर्शनमा आएको चलचित्र ‘झिंगे दाउ २’ले दर्शकबाट राम्रो प्रतिक्रिया पाइरहेको निर्माणपक्षले जनाएको छ । फिल्मको कथावस्तु, कलाकारको अभिनय, प्रस्तुति तथा गीतसंगीतलाई दर्शकले रुचाएका छन् ।

फिल्म रिलिज भएको एक सातापछि निर्माणपक्षले नयाँ गीत ‘आमा भए पो स्वर्ग हुन्छ घर’ सार्वजनिक गरेको छ । गीतमा कुशल बेलबासेको स्वर, अर्जुन पोखरेलको शब्द तथा संगीत रहेको छ ।

मार्मिक भावको गीतमा आमा घरमा नहुँदाको पीडा प्रस्तुत गरिएको छ । आमाको उपस्थितिले घरमा पार्ने प्रभाव र आमा हुँदा घर कस्तो हुन्छ भन्ने भाव गीतमा समेटिएको छ ।