27
बिर्तामाेड । बलिउडको बहुप्रतीक्षित कमेडी फिल्म ‘धमाल ४’को प्रदर्शन मिति परिवर्तन गरिएको छ । यसअघि जुलाई ३, २०२६ मा रिलिज हुने तय भएको फिल्म अब जुलाई १७, २०२६ मा प्रदर्शन हुनेछ ।
यो निर्णय अक्षय कुमारको मल्टिस्टारर कमेडी फिल्म ‘वेलकम टु द जंगल’सँग बक्स अफिस टकराव टार्न गरिएको बताइएको छ । भारतीय सञ्चारमाध्यमका अनुसार अजय देवगन र अक्षय कुमारबीचको छलफलपछि दुवै फिल्मलाई पर्याप्त समय दिने रणनीतिअनुसार नयाँ मिति तय गरिएको हो ।
अहमद खान निर्देशित ‘वेलकम टु द जंगल’ भने जून २६, २०२६ मै रिलिज हुनेछ । उता, इन्द्र कुमार निर्देशित ‘धमाल ४’मा अजय देवगन, रितेश देशमुख, अरशद वारसी, जावेद जाफरीलगायत कलाकारको अभिनय रहनेछ ।
व्यापार विश्लेषकहरूले यो निर्णयले सन् २०२६ को गर्मीयामलाई बलिउडको ठूलो कमेडी सिजन बनाउने विश्वास व्यक्त गरेका छन् ।
