11
बिर्तामाेड । गायक सुरेश कालिकोटे र सदीक्षा कट्टेलको स्वर रहेको गीत ‘ऐना फुटेको’ को म्युजिक भिडियो सार्वजनिक गरिएको छ। गीतमा चर्चित अभिनेता आर्यन सिग्देल र जुना सुन्दासको अभिनय देख्न सकिन्छ।
गीतका शब्द डीपी खनालले लेखेका हुन् भने संगीत शंकर थापा ‘स्माइल’ले तयार गरेका छन्। प्रेम, बिछोड र भावनात्मक अनुभूतिलाई केन्द्रमा राखेर तयार गरिएको गीतले दर्शकको मन छुने अपेक्षा गरिएको छ।
भिडियोमा आर्यन सिग्देल र जुना सुन्दासबीचको भावनात्मक प्रस्तुति आकर्षक देखिन्छ। गीतको कथावस्तुले सम्बन्धमा आउने उतारचढाव र सम्झनाका पक्षलाई चित्रण गरेको छ।
सुरेश कालिकोटे र सदीक्षा कट्टेलको सुमधुर स्वरले गीतलाई थप प्रभावशाली बनाएको छ भने शंकर थापा ‘स्माइल’को संगीत संयोजनले गीतलाई कर्णप्रिय बनाएको छ। सार्वजनिक भएसँगै गीतले दर्शकको सकारात्मक प्रतिक्रिया पाइरहेको छ।
